Kreskanta nombro de usonanoj rezignas vespermanĝi en restoracioj. Laŭ pasintjara enketo de la merkatesplora firmao YouGov, 37 procentoj el la oftaj klientoj de restoracioj diris, ke ili decidas vespermanĝi en restoracioj malpli ofte ol en la antaŭa jaro. Nur 8 procentoj el la enketitoj respondis, ke ili nun vespermanĝas en restoracioj pli ofte.
Reage al tiu realaĵo, restoracio en Teksaso decidis enkonduki vendostimulan koncepton, laŭ kiu, dum la vespermanĝa servo, klientoj rajtas pagi laŭvole. Trinkaĵoj estas pagendaj je la normala prezo, sed por la manĝaĵoj klientoj rajtas pagi tiom, kiom ili volas.
