Kara leganto! Bonvenon al nova ekzemplero de nia Kuriero.
Mallonge
- La Internacia Flughaveno de Honkongo inaŭguras novan terminalon Kadre de regiona projekto por la disvolvo de aertransportado, ĝi malfermis novan terminalon, kie 15 flugkompanioj jam priservas siajn klientojn.
- Pakistano aprobas la privatigon de tri energidistribuaj kompanioj La kabineta komitato pri privatigo aprobis la vendon de tri energidistribuantoj kadre de programo de la Internacia Monfonduso (IMF), kiu postulas strukturajn ŝanĝojn.
La Ormuza markolo skuas la mondon
La malfacilaĵoj ĉe la Ormuza markolo ne nur skuas la tutmondan energian sistemon kaj aparte malhelpas la ekonomiojn de la plej malfortaj landoj — la blokado ankaŭ:
- Impulsas novajn alternativajn projektojn Unuiĝintaj Arabaj Emirlandoj jam sukcesis pligrandigi la transportan kapaciton de grava naftodukto, kaj Irako pristudas la konstruon de nova naftodukto.
- Malhelpas la produktadon de aliaj varoj La firmao Toyota anoncis sian decidon plilarĝigi la redukton de sia produktado de 38 000 ĝis 83 000 aŭtoj, pro malfacilaĵoj ligitaj al la daŭra blokado de la Ormuza markolo.
Batalo kontraŭ malsanoj
Batalo kontraŭ kancero Esploristoj de la Universitato North-West (NWU), en Sud-Afriko, pristudas la potencialon de la planto Lessertia frutescens en la batalo kontraŭ kancero.
Ĝisnunaj malkovroj «Lessertia frutescens montris signifan kontraŭkanceran aktivecon ĉe pluraj tipoj de kancero en nia esploro», diskonigis Chrisna Gouws, esplorprofesoro ĉe NWU.
Dankon pro via legado!
